თამაზ ხუციშვილი - ქართული ფერწერის გამორჩეული წარმომადგენელია. თბილისის სამხატვრო აკადემიაში პროფესორ ფარნაოზ ლაპიაშვილის სახელოსნოს კურსდამთავრებული (1966), სადაც თავადაც ათწლეულების განმავლობაში ზრდიდა ახალგაზრდა ხელოვანებს. 1996 წლიდან ასწავლის ფერწერას თბილისის ივ. ჯავახიშვილის სახელობის სახელმწიფო უნივერსიტეტში. მისი შემოქმედებითი გზა სტუდენტობიდანვე გამოირჩევა მრავალფერივანი გამოფენებით. მხატვარი არის ათეულობით საბავშვო წიგნის ილუსტრატორი და გაფორმებული აქვს მრავალი ფილმი თუ სპექტაკლი საქართველოს დრამატულ და მუსიკალურ თეატრებში. მისი ნამუშევრები დაცულია საქართველოსა და მსოფლიოს წამყვან მუზეუმებსა და კერძო კოლექციებში.

1993 წელს მას მიენიჭა საქართველოს დამსახურებული მხატვრის წოდება.